Simba msikieni Coutinho alichosema

KIUNGO wa Yanga, Mbrazili Andrey Coutinho, ametamba kuwa atawashangaza mabeki wa Simba kwa kucheza soka la kasi na kufumua mashuti ya mbali, lakini pia akadai kuwa anajua kwamba Simba hakuna mabadiliko yoyote kwenye safu ya ulinzi.

Coutinho alisema: “Ninajua wapi kwa kupita kwenye mchezo wetu na Simba. Nitahakikisha natumia kasi na upigaji wa mashuti ili kuwamaliza Simba.Tena ninajipanga kukabiliana na mabeki wa Simba ambao ni wale wale na hawajabadilika kwa namna yoyote.

Unajua wakati ule Simba ilikuwa ni mara yangu ya kwanza kucheza nao hivyo nilipatwa na hofu lakini pia binafsi nilijiona kuwa sikupambana kama nilivyokuwa nimepanga.

“Mchezo ujao ndiyo utakaonipa heshima zaidi kwani nimeshazoea kila kitu na nimezoea changamoto za kila aina,” alisema Coutinho. Mara ya mwisho Coutinho ameichezea Yanga dhidi ya Simba ni kwenye mchezo wa ligi ambao uliisha kwa suluhu