Siri ya Ivo Mapunda na mabao yake

KIPA wa Simba, Ivo Mapunda, juzi Jumapili aliingia uwanjani kucheza dhidi ya Ruvu Shooting huku akiwa amevalia kaushi iliyoandikwa kwa Kiingereza ‘Why us?’ Pia ilikuwa na maandiko ya Biblia ‘Math7:7’ ambayo aliyatolea ufafanuzi.

Ivo ambaye aliibukia kwenye mchezo huo baada ya kuwa benchi kwa kipindi kirefu akiuguza mkono na nafasi yake ilichezwa na chipukizi, Peter Manyika.

Aliandika ujumbe huo ili kuonyesha hisia zake ambapo ule wa ‘Why us?’ ulikuwa na maana ya ‘Kwa nini sisi?’ na ule wa Math7:7(Mathayo 7 mstari wa 7) ni maneno yaliyopo kwenye Biblia yanayosema: “Ombeni, nanyi mtapewa, tafuteni nanyi mtapata, bisheni nanyi mtafunguliwa.”

Alipoulizwa na Mwanaspoti kwa nini aliandika hivyo, aliyatolea ufafanuzi huku Manyika akimuunga mkono kwa msisitizo akisema: “Nimeamua kuandika haya namna nilivyoguswa, hivi kwa nini sisi tu, kwa nini?

“Lakini pia maneno ya Biblia yalikuwa yakinipa moyo na kuamini ndiyo utakuwa mwisho, kumbe anayeomba na kutafuta hupata ni hivyo tu.”

Simba iliifunga Ruvu Shooting bao 1-0 ukiwa ni ushindi wao wa kwanza baada ya kutoa sare sita mfululizo tangu Ligi Kuu Bara msimu huu ilipoanza.